好感動阿!! 終於超過500人~~
上年好任性咁自己一個去歐洲，想逼自己走出自己嘅confort zone，雖然儲左成年啲人工接近用完，但實在袋左太多野落袋。返到黎我都覺得自己變左，最明顯變化就係大膽左，個人踏實左，對自己嘅生活負責任左(會落廚)。
其實一直好想寫下野，覺得用完啲錢無咩output好似唔係咁對得住我屋企人(畢竟我去嘅時候係同佢地講我要寫野要靈感創作XD)但返到黎個人太亂竟然一啲都寫唔出，唯有開住個page先。
最初開page總係雄心壯志，但其實有時唔想亂出po唔想亂寫一啲野就算，再加上啱啱適應新工作，要持續咁寫都唔容易。當見到啲like來來去去都係自己嘅朋友，雖然好窩心，但始終有啲失落，好似好比心機做嘅野又石沉大海。
但每次約朋友出黎見面，或者同一個好耐無見嘅朋友打聲招呼個陣，佢地竟然同我講有睇我寫野叫我加油，個一刻又會諗:好啦，比啲心機。
可以咁快過500都要好多謝朋友幫我大力promote，同埋係咁鼓勵我要推廣下個page(笑)，其實要po係其他地方比唔認識我嘅人知，真係好困難，因為我自覺實在有太多不足之處。
好啦，唔講啦，太多野講。終之，多謝大家!!
繼續努力感受呢個世界啦!!
Search